做空姐是很多少女的夢想職業，不過「翻版官恩娜」劉芷盈（Mizer.L）為做o靚模毅然放棄這份「筍工」，她認為娛樂圈機會無限，遲些更可以到台灣與棒棒堂二代合作拍電影。 文：專案組 攝：吳文聰
有「翻版官恩娜」之稱的劉芷盈（Mizer.L），早前參加玉皇朝舉辦的「動漫天使」選舉，與胡心諾（Rainbow）及鄭洛詩（Crystal）一同被選為「動漫天使」，正式成為o靚模大軍。原來Mizer未入行前曾任職空姐，她說：「個個女仔都恨做空姐，我好幸運，一試就成功。但做咗之後原來好辛苦，成日飛嚟飛去，時間唔定又搞到啲皮膚差晒，所以咪辭職！」
唔做空姐做o靚模
對於「o靚模」稱號，她卻不太介意：「其實我做咗三年Part Time Model，以前未有o靚模呢個名，其實都幾好聽。」曾多次被人認錯是官恩娜，她直言有少許尷尬：「有次去睇醫生，個醫生問我係咪唱歌嗰個官咩娜？其實有少少唔好意思，我希望將來可以好似周秀娜一樣，佢初入行都畀人話係『翻版樂基兒』，但依家人人都記得佢。」
Mizer直言對娛樂圈充滿憧憬，現正積極學習唱歌、跳舞裝備自己：「唔想淨係做o靚模，想作多方面發展。讀U嘅時候係跳舞學會，對跳舞比較有信心，遲啲仲有機會去台灣同棒棒堂二代嘅牙膏（謝東裕）合作拍電影，不過冇演戲經驗，依家都有啲緊張。」
Mizer.L以月影姬造型拍攝寫真。
孖Rainbow出寫真
Mizer.L入行短短幾個月，已有機會推出「動漫天使寫真集」，當中扮演《天子傳奇6之洪武大帝》內的月影姬，而Rainbow和Crystal分別扮演《龍虎門》的馬小靈和《王風雷傳》的智賢。據知，她們於年底亦會聯同其他新進o靚模推出另一本寫真集，認真機會無限。
英文名 ： Mizer.L
年 齡 ： 21歲
身 高 ： 165cm
三 圍 ： 32、24、34
嗜 好 ： 打羽毛球、唱歌
