陳靜（DaDa）與同門「E級超蓮」鍾永慧 （Iris）和梁郁霖（Lillian）為公司Jacso拍攝了一輯聖誕相。入行至今DaDa因工作繁忙，沒有時間結識男仔，聖誕將至，她坦言是近年首個沒有拖拍的聖誕節，故她會做搞手舉行一個單身派對，DaDa說：「冇拖拍梗係會悶啦，不過食得鹹魚抵得渴，我會適應吓架啦。今年聖誕我會搞番個單身party，歡迎身邊所有冇拖拍嘅單身女仔參加，男仔就免問。」她表示派對舉行地點是經理人施念慈屋企。
另外，Iris和Lillian均表示自己是單身，所以報定名參加單身派對。Iris說：「公司全部都係女仔，初時都擔心夾唔嚟，而且我性格好男仔頭，驚嚇親佢哋，但原來佢哋個個都好爽直，所以相處得好開心。」
梁郁霖心願除名Lillian的聖誕願望是大家不要再形容她為「洪天明前女友」，她說：「我希望大家唔好再咁叫我，睇嚟我真係要快啲識番個男朋友先可以搣甩呢個名啦。」
DaDa表示除夕會聯同Liz（李莉琳）和Bambi（梁筠兒）一齊開工，還有何潤東、棒棒堂同場，她說：「好開心可以見到佢哋呀。」
文：影視組
轉自
http://orientaldaily.on.cc/cnt/e ... ml?pubdate=20101221
